إيه أفضل ستراتيجية فيهم ممكن تجيبلك Clients أكتر؟ الـ Leads Funnel وللا الـ Flywheel؟
خلينا نشرح الأول إيه الكلمتين دول وإيه معناهم…
الـ Leads Funnel ببساطة وباختصار هو إنك تجيب أكبر عدد ممكن من الـ Leads عن طريق الحملات الإعلانية علشان يكونوا Potential customers (عملاء محتملين) تعرفهم علي منتجاتك, وبعدين نسبة أقل منهم هيكونوا Leads (عملاء متوقعين) عارفين ومهتمين بمنتجاتك بس يا يشتروا يا ميشتروش, وفي الآخر نسبة أقل منهم هيكونوا Real customers (العملاء الحقيقيين) اللي هيشتروا منك ويتابعوا نشاطك. وفي لعبة التصفية دي كل ما كتروا المحتملين كتروا المتوقعين وبالتالي هيكتر العملاء الحقيقيين ومع إعادة الاستهداف هتوصل لمرحلة الـ Loyal Client اللي بيدافع عن البراند بتاعك.
أما الـ Flywheel فهي استراتيجية قديمة ومن أقدم أساليب التسويق علي الإطلاق! طيب بنجيب سيرتها هنا ليه؟ لأنها ببساطة أثبتت فعاليتها علي مر التاريخ. تعالي نشرحلك هي معناها إيه وبعدين نقولك أنهي في الطريقتين دول أنجح من التانية…
لو عايز تكمل المقال وتعرف أنهي استراتيجية أفضل في التسويق دوس علي اللينك ده **************
الـ Flywheelزي ما قلنا إنها من أقدم استراتيجيات التسويق علي الإطلاق ومبتتطلبش ميزانية إعلانية لكن علشان في تطورات كتيرة في أساليب التسويق بقت الناس متاخدش بالها من الوسيلة دي. طيب بتشتغل إزاي؟ بكل بساطة عي بتعتمد علي العملاء في التسويق! أو زي ما بيقول المصطلح Word Of Mouth. يعني شوف كده كام مرة اشتريت منتج علشان حد رشحه ليك… متعدش يا جيمي ()! أهو ده بقا الهدف من استراتيجية الـ Flywheel… إنك تقدم لعملائك كل وسائل الراحة وتوفرلهم احتياجاتهم وتـ Follow-up معاهم دايماً وتتأكد إنهم مابيقابلوش أي مشاكل مع المنتج بتاعك علشان يكونوا Loyal Clients ويوصلوا لمرحلة إنهم يرشحوا منتجك للمشترين.
طيب نيجي بقا لنقطة (إزاي أطبق كل واحدة من الاتسراتيجيات دي):
أولاً: الـ Leads Funnel زي ما عرفناه بيعتمد علي الحملات الإعلانية…
يبقي الخطوة الأولي إنك تعمل حملة إعلانية للـ Lead Generation علي فيسبوك مثلاً علشان تجيب بيانات الـ Potential customers -العملاء المحتملين-
الخطوة التانية إنك تتواصل مع الـ Leads اللي كتبوا بياناتهم وبقوا عملاء متوقعين من خلال وسائل التواصل المختلفة علشان تكلمهم عن خدماتك
وبعد كده تبيع للي مهتم يشتري منهم وبقوا عملاء حقيقيين
… وتفضل تكرر العملية دي علي منصات التواصل الإجتماعي اللي بتجمع أكبر عدد من عملائك.
واللي هيساعدك تكرر العملية دي بسهولة ودقة أكبر إنك تستخدم Look alike audience وتفلتر الـ Target علي أساس أكتر ناس كانوا Engaged مثلاً أو الناس اللي بعتوا رسالة لصفحتك من خلال إعلانك وانت عارف طبعاً إنك تقدرر تحدد النطاق الجغرافي بتاعهم كويس علشان توصل للـ Customers اللي انت عايز تتوسع من خلالهم.
ثاتياً بقا الـ Flywheel وعلشان تطبقها فإنت محتاج توضح لعملائك الخدمات اللي بتقدمها وازاي يقدر يستفيد منها من خلال Post Engagement ويستحسن لو كان فيديو قصير وبسيط قادر إنه يوصل رسالتك من غير ما يدي إحساس بالملل… وتوضح فيه انت مين وإيه منتجك وليه الناس محتاجين يشتروه, وخد بالك من اللي جاية دي… (ولــيــه يــشــتــروا مــنــك)
وبعد ما عملائك يتموا عملية الشراء تفضل دايماً تـFollow-up معاهم وتتأكد إنهم مبيواجهوش أي مشكلة مع المنتج بتاعك.
وماتنساش تبعتلهم Greetings في الأعياد والمناسبات وتحسس العميل إنه عميل مميز مش اشتري وخلاص.
والطريقة دي رغم إنها قديمة إلا إنها أثبتت فعاليتها وبدون عمل دعايا مكلفة لكن كتير من المسوقين وأصحاب المنتجات بيتناسوها وبيركزوا بس علي الطرق الجديدة واللي بتكلفهم ميزانية مش هينة.
طيب إيه الصح؟
إني أعتمد علي الـ Leads Funnel واللي بيجيبلي Leads كتير بس بحتاج أصفيهم كل مرة علشان أطلع منهم Loyal Client ويكلفني ميزانية أعلي؟
وللا أعتمد علي الـ Flywheel التقليدية واللي ميزانيتها الإعلانية أقل لكن مبوصلش بيها لعدد العملاء اللي بجيبهم بالـ Leads؟
الصح إنك متعتمدش علي حاجة منهم أصلا!!! تــعــتــمــد عــلــي الــاتــنــيــن! ازاي؟ نقولك ازاي…
لو كانت خطوتك الأولي هي إنك تطبق خطوات الـ Leads Funnel وتجيب العملاء الحقيقيين اللي اشتروا منتجك وبعدين طبقت خطوات الـ Flywheel وتابعت عملائك أول بأول وقدمت خدمات ما بعد البيع وكنت دايماً مع عملائك في كل المناسبات بالـ Greetings وتعرفهم إنك فاكرهم وإنهم مش مجرد عملاء خدوا منتج مقابل فلوس وجه غيرهم وخلاص, فاحنا كده بنضمنلك إنك معاك جيش Loyal Clients عظيم مستعد يسوقلك منتجاتك ويجيبلك عملاء زيه ويدافع عن اسمك كمان وشوية بشوية هتلاقي نفسم مش محتاج ميزانية ضخمة علشان تجيب Leads ولا حملات واسعة علشان تعمل Branding لأن عميلك بيعمل كل ده بدالك وببلاش كمان!
